إزاي تقرأ صورة الدم الكاملة؟

صورة الدم الكاملة من أكتر التحاليل اللي بتتطلب، وفيها أرقام كتير ممكن تقلقك لو مش فاهمها.

الهيموجلوبين (Hb) بيقيس قدرة الدم على شيل الأكسجين، وانخفاضه معناه أنيميا. حجم الكرات (MCV) بيساعد يعرف نوعها: صغير غالبًا نقص حديد، وكبير غالبًا نقص B12 أو فوليك.

كرات الدم البيضاء (WBC) بتزيد مع الالتهابات البكتيرية، والصفائح (PLT) مسؤولة عن التجلط.

رقم واحد بره المعدل مش لازم يكون مشكلة؛ طبيب المعمل يقدر يشرح لك النتيجة مجانًا.